ՏԵՍԱՆՅՈՒԹ․Համшgանgում hшյտնվել է մի տեuшնյութ թե ինչպես են hայ զինվորները ադրբեջшնghուն գերե վшրում․․․

ՏԵՍԱՆՅՈՒԹ․Համաшgանgում hшյտնվել է մի տեuшնյութ թե ինչպես են hայ զինվորները ադրբեջшնgուն գերե վшրում․․․

Եվս 4 հայ գերի այսօր վերադարձել է Հայաստան՝ Ռուսաստանի Դաշնության և Կարմիր խաչի միջազգային կոմիտեի միջնորդությամբ։ Տեղեկությունը փոխանցել է փոխվարչապետ Տիգրան Ավինյանը։

«Հարազատներն արդեն իսկ տեղեկացվել են նրանց վերադարձի մասին, իսկ գերիներն այժմ գտնվում են բժիշկների վերահսկողության ներքո և կստանան անհրաժեշտ բժշկական ու բարոյահոգեբանական աջակցություն: Գերիների փոխանակման գործընթացը շարունակվելու է»,- գրել է Ավինյանը։

Այսպիսով վերադարձված գերիների թիվը հասավ 54-ի, թեև հայկական կողմում կան տվյալներ, որ գերեվարվածների թիվը մոտ չորս անգամ ավելի է։

Այսօր երկու ադրբեջանցի գերի էլ վերադարձվել է Բաքու։ Այս մասին լրագրողներին հայտնել է ռուսական խաղաղապահ առաքելության ղեկավար Ռուստամ Մուրադովը։ Ավելի վաղ Հայաստանից Բաքու էր տեղափոխվել 12 անձ, այդ թվում՝ 2014-ին դիվերսիայի և մարդասպանության համար Արցախում դատապարտված Դիլհամ Ասկերովն և Շահբազ Գուլիևը։

Գերիներից բացի մեկ մարդու մարմին է տեղափոխվել Հայաստան, տեղեկությունը «Ազատության» հետ զրույցում հաստատեց Քննչական կոմիտեի ներկայացուցիչ Ռաֆայել Վարդանյանը, պաշտոնյան սակայն, ասաց՝ դեռ հայտնի չէ մահացածը խաղաղ բնակիչ է, թե զինվորական։

Մարդու իրավունքների եվրոպական դատարանում (ՄԻԵԴ) հայ ռազմագերիների շահերի ներկայացուցիչ փաստաբան Սիրանուշ Սահակյանն ասում է՝ Հայաստան վերադարձած 4 անձանցից երկուսը խաղաղ բնակիչ է, երկուսը՝ զինծառայող, նրանք գերեվարվել էին պատերազմի ընթացքում։ Արդեն պատերազմից հետո Հադրութի շրջանի Խծաբերդ գյուղի մարտական դիրքերից ավելի քան 60 զինվորականներ գերեվարվեցին։

ՄԻԵԴ-ում ՀՀ ներկայացուցչի գրասենյակի կողմից նախապատրաստվել էր զինվորականներից 53-ի վերաբերյալ Ադրբեջանի նկատմամբ միջանկյալ միջոց կիրառելու դիմումը և անհրաժեշտ ապացույցների հետ միասին ներկայացվել ստրասբուրգյան դատարան, մնացած ինը զինվորականների մասով միջանկյալ միջոց կիրառելու մասին դիմում ներկայացրել էին փաստաբաններ Արտակ Զեյնալյանը և Սիրանուշ Սահակյանը։

Ադրբեջանի կառավարությունը մինչև դեկտեմբերի 28-ը ռազմագերիների վերաբերյալ տեղեկատվություն և բժշկական փաստաթղթեր պետք է տրամադրի, ինչպես նաև տեղեկություն հայտնի վերջիններիս փոխանակման ժամկետների վերաբերյալ: Սիրանուշ Սահակյանի խոսքով՝ առայժմ որևէ լուր չունեն։